TALABALAR JADID BOBOLARIMIZ HAQIDA BILIMGA EGA BO‘LDILAR

Kattaqo‘rg‘on davlat pedagogika institutida “Kelajak soati” darsining navbatdagi darslari “Jadid bobolarimiz” mavzusida o‘tkazildi.
Mazkur dars jarayonida yo‘nalish tyutorlari tomonidan talabalarga Turkiston o‘lkasida jadidchilik harakatining vujudga kelish sabablari, uning vakillari tomonidan amalga oshirilgan tarixiy sa’y-harakatlar haqida batafsil ma’lumotlar berildi. Shuningdek, millatparvar jadid bobolarimizning ma’rifat va taraqqiyot yo‘lida olib borgan fidokorona faoliyati, ularning ta’qib va qatag‘on qilinishining tub sabablari hamda ushbu jarayonlarning og‘ir oqibatlari xususida ta’sirli fikrlar bildirildi.
Mazkur dars talabalarda tarixiy xotirani mustahkamlash, milliy o‘zlikni anglash hamda vatanparvarlik tuyg‘ularini yuksaltirishda muhim ahamiyat kasb etdi.