“Orol va Orolbo‘yi fojiasi” mavzusida ochiq dars o‘tkazildi

Aniq va tabiiy fanlar fakulteti o‘qituvchisi D.Malikov tomonidan 3-kurs talabalari uchun “Orol va Orolbo‘yi fojiasi” mavzusida ochiq dars tashkil etildi.
Dars davomida Orol dengizining qurishi va uning ekologik oqibatlari, shuningdek, Prezidentimizning Orolbo‘yida ekologik barqarorlikni ta’minlashga qaratilgan qarorlari batafsil yoritildi.
Havo ifloslanishining ortishi, uning asosiy manbalari hamda inson salomatligiga ta’siri haqida qisqacha ilmiy tushuntirishlar berildi.
Dars jarayoni talabalar uchun nafaqat ekologik muammolarni chuqur anglash, balki amaliy yechimlar haqida bilim olish imkoniyatini yaratdi.