MATONAT VA IRODA SOHIBI
Kattaqo‘rg‘on davlat pedagogika instituti Pedagogika fakulteti JM_26_14-guruh talabasi Abbos Abdug‘aniyev para kamondan otish sport turi bo‘yicha o‘tkazilgan nufuzli musobaqalarda yuqori natijalarga erishib, faxrli birinchi o‘rinlarni qo‘lga kiritgan.
Jumladan, u O‘zbekiston Respublikasi Milliy gvardiyasi qo‘mondoni kubogi musobaqasida (18 metr, klassik yo‘nalish) hamda 2025-yil 14-19-aprel kunlari o‘tkazilgan O‘zbekiston chempionatida g‘oliblikni qo‘lga kiritgan.
Bugun institutda talaba-yoshlar ishtirokida Abbos Abdug‘aniyev bilan uchrashuv tashkil etildi. Unda talaba o‘zining sportdagi yutuqlari, muvaffaqiyat sari bosib o‘tgan yo‘li hamda bu jarayonda duch kelgan qiyinchiliklari haqida so‘zlab berdi.
Uchrashuv davomida inson astoydil mehnat qilsa, qat’iyat va iroda bilan o‘z oldiga qo‘ygan maqsadlariga erishishi mumkinligi alohida ta’kidlandi. Talabaning hayotiy tajribasi va sportdagi muvaffaqiyatlari yoshlarga motivatsiya berib, ularni qiyinchiliklar qarshisida taslim bo‘lmaslikka, o‘z ustida tinimsiz ishlashga undaydi.
Abbos Abdug‘aniyevning yutuqlari – kuchli iroda, sabr-toqat va tinimsiz mehnatning yorqin namunasidir.
Qo'shimcha rasmlar6
Boshqa yangiliklar
REKTOR TALABALAR TURAR JOYIDAGI SHAROITLAR BILAN TANISHDI22.10.2026
Yoshlarni yot g‘oyalar ta’siridan asrash – dolzarb vazifa22.10.2026
Erta turmush va yaqin qarindoshlar o‘rtasidagi nikohning tibbiy oqibatlari muhokama qilindiKattaqo‘rg‘on davlat pedagogika institutida erta turmush, yaqin qarindoshlar o‘rtasidagi nikoh hamda kam uchraydigan kasalliklarning kelib chiqish omillariga bag‘ishlangan ma’naviy-ma’rifiy tadbir tashkil etildi. Tadbir institutning Xotin-qizlar masalalari bo‘yicha rektor maslahatchisi G.Shokirova hamda institut psixologlari G.Innatullayeva va Z.Xidirova tashabbusi bilan tashkil etildi. Salomatlik va strategik rivojlantirish instituti xodimlari shifokorlar D.Eshmonova, J.Eshnazarov va A.Patapenko mavzu yuzasidan ma’ruzalar qildilar. Ma’ruzalarda erta turmushning reproduktiv salomatlikka ta’siri, yaqin qarindoshlar o‘rtasidagi nikohda avlodda ayrim irsiy kasalliklarning yuzaga kelish xavfi, shuningdek, kam uchraydigan (orfan) kasalliklarning kelib chiqish sabablari haqida tibbiy ma’lumotlar berildi. Shifokorlar irsiy kasalliklar xavfini baholashda tibbiy-genetik maslahatning ahamiyati, nikoh va farzand rejalashtirish masalalarida tibbiy savodxonlikni oshirish hamda kelajak avlod salomatligini muhofaza qilish zarurligiga alohida e’tibor qaratdilar.22.10.2026