“Ma’rifat ulashib”: ijodkorlar bilan uchrashuv

10.10.2026 soat 10:38Ma'rifat ulashibYoshlar bilan ishlash, ma'naviyat-ma'rifat bo'limi1601 daqiqada o'qiladi

Kattaqo‘rg‘on davlat pedagogika institutida “Ma’rifat ulashib” loyihasi doirasida el ardog‘idagi ijodkorlar – Baxtiyar Genjemuratov, Rustam Musurmon, Masihulloh Madaminov hamda Xosiyat Bobomurodova bilan ijodiy uchrashuv bo‘lib o‘tdi.
1J0A7250

Tadbirda ijodkorlarning hayoti va faoliyatiga bag‘ishlangan videolavhalar namoyish etildi. Talabalar adiblar asarlaridan namunalar o‘qib berdilar. Ijodkorlar ham o‘z asarlaridan parchalar o‘qib eshittirib, talaba-yoshlarning savollariga javob qaytardilar.
Suhbat davomida bugungi adabiy jarayon, davlatimiz rahbari tomonidan ijodkorlarga ko‘rsatilayotgan e’tibor va yaratilayotgan sharoitlar, shuningdek, yoshlarning ta’lim olishi, iste’dod va qobiliyatlarini namoyon etishi uchun yaratilgan imkoniyatlar haqida so‘z yuritildi.
1J0A7339

Shuningdek, loyiha doirasida institut hududida daraxt ko‘chatlari ekildi. Unda institut rahbariyati va mehmon ijodkorlar ishtirok etib, institut hududini ko‘kalamzorlashtirishga o‘z hissalarini qo‘shdilar. photo_2026-10-09_18-07-12 Shundan so‘ng, ijodkorlar Kattaqo‘rg‘on tumanidagi 40-, 41- va 42-umumta’lim maktablarida bo‘lib, o‘quvchilar hamda pedagoglar bilan ijodiy-ma’rifiy uchrashuvlar o‘tkazdilar.
photo_2026-10-09_18-09-53 Uchrashuvlarda yosh avlodning ma’naviy kamolotini yuksaltirish, vatanparvarlik tuyg‘usini mustahkamlash va milliy-qadriyatlarni targ‘ib etish masalalariga alohida e’tibor qaratildi. O‘quvchilar faol ishtirok etib, o‘zlarini qiziqtirgan savollar bilan murojaat qildilar hamda ijodkorlar bilan fikr almashish orqali ma’naviy dunyoqarashlarini boyitdilar.