TOZA HAVO UCHUN BIRGALIKDA

Bugun Kattaqo‘rg‘on davlat pedagogika instituti avtoturargohida birorta ham avtomashinani uchratmaysiz. Institut professor-o‘qituvchilari hamda xodimlari tashabbus ko‘rsatib, ekologiyaga befarq emasliklarini amalda namoyon etdilar.
“Avtomobilsiz kun” va “Avtomobilsiz hafta” aksiyalari doirasida ular shaxsiy avtomashinalardan foydalanmasdan, ishga jamoat transportida yetib kelishdi.
Mazkur aksiya O‘zbekiston Respublikasi Prezidentining atmosfera havosi sifatini yaxshilashga qaratilgan “Toza havo” umummilliy loyihasini amalga oshirish bo‘yicha chora-tadbirlar to‘g‘risidagi farmoniga muvofiq tashkil etilmoqda.
Ushbu tashabbus ekologik madaniyatni yuksaltirish, atrof-muhit musaffoligini asrash hamda aholining ekologik mas’uliyatini oshirishga xizmat qilmoqda.