BAG‘RIKENGLIK VA TOTUVLIK – BIZNING UMUMIY UYIMIZ

Millatlararo totuvlik va birdamlikni mustahkamlash, yoshlar ongida bag‘rikenglik va o‘zaro hurmat qadriyatlarini targ‘ib etish maqsadida Kattaqo‘rg‘on davlat pedagogika institutida talabalar ishtirokida “Bizning umumiy uyimiz” mavzusida tadbir tashkil etildi.
Mazkur tadbirda Kattaqo‘rg‘on shahar Oqila ayollar kengashi yetakchisi Nazokat Ikramovna hamda Aniq va tabiiy fanlar fakulteti xotin-qizlar masalalari bo‘yicha dekan maslahatchisi Rayxona Nurkosimova ma’ruza qildilar.
Uchrashuv davomida millatlararo totuvlik, oila va jamiyatda birdamlikni ta’minlash, yoshlarni do‘stlik va hamjihatlik ruhida tarbiyalashning ahamiyati yuzasidan fikr-mulohazalar bildirildi.
Tadbir ishtirokchilari mamlakatimizda yaratilayotgan tinchlik, totuvlik va bag‘rikenglik muhitining mustahkamlanishida har bir fuqaroning mas’uliyati alohida ta’kidlandi.