GIYOHVANDLIKNING OLDINI OLISHGA QARATILGAN MUROJAAT MUHOKAMA QILINDI

O‘zbekiston Respublikasi Prezidentining 2025-yil 3-noyabrdagi “Aholi salomatligi va millat genofondini giyohvandlik va narkojinoyatlardan samarali himoya qilish bo‘yicha kompleks chora-tadbirlar to‘g‘risida”gi PF-207-sonli Farmonining ijrosini ta’minlash maqsadida Kattaqo‘rg‘on davlat pedagogika institutida Aniq va tabiiy fanlar fakulteti talabalari uchun yoshlar, ota-onalar hamda pedagoglarni giyohvandlik va narkojinoyatlarning salbiy oqibatlaridan ogohlikka chaqiruvchi qo‘shma murojaat o‘qib eshittirildi.
Mazkur murojaatni fakultet dekan o‘rinbosari B.Yuldashov talabalarga o‘qib eshittirdi hamda unda giyohvandlikka qarshi kurashning ahamiyati, uning oqibatlari va profilaktika choralari yuzasidan keng muhokama olib borildi.
Tadbir davomida talabalar o‘zlarini qiziqtirgan savollar bilan ishtirok etib, giyohvandlik va narkojinoyatlarning salbiy ta’sirlari bo‘yicha bilim va tushunchalarini yanada mustahkamlash imkoniga ega bo‘ldilar.