“Kelajak soati” doirasida bolalarga nisbatan zo‘ravonlikning oldini olish bo‘yicha ma’rifat darslari o‘tkazildi

Kattaqo‘rg‘on davlat pedagogika institutida “Kelajak soati” rukni doirasida
“Biz bolalarga nisbatan zo‘ravonlikka qarshimiz!” mavzusida ma’rifat darslari o‘tkazildi
Tadbirlarning asosiy maqsadi – talabalarda bolalarga nisbatan zo‘ravonlikning oldini olish, uning turlari va oqibatlari bo‘yicha to‘g‘ri tasavvur hosil qilish, shuningdek, ijtimoiy mas’uliyatni oshirishdan iboratdir.
Professor-o‘qituvchilar talabalarga zo‘ravonlikning jismoniy, og‘zaki, ruhiy, kiber hamda kattalar tomonidan sodir etilishi mumkin bo‘lgan boshqa shakllari haqida batafsil ma’lumot berib, o‘zini himoya qilish, yordam so‘rash, muammoli vaziyatda to‘g‘ri yo‘l tutish, o‘zaro hurmat va do‘stona muhitni shakllantirishga doir ma’ruza qildilar.
Mazkur ma’rifat darslari talabalarda bolalar huquqlarini himoya qilishga nisbatan ongli yondashuvni rivojlantirish, zo‘ravonlikka nisbatan murosasiz munosabatni shakllantirish hamda jamiyatda sog‘lom ijtimoiy muhitni mustahkamlashga xizmat qiladi.
Tadbir yakunida bolalarga nisbatan har qanday zo‘ravonlikka qarshi kurashish har bir fuqaroning burchi ekanligi ta’kidlandi.