INSTITUTIMIZ VA KAZAN FEDERAL UNIVERSITETI O‘RTASIDA HAMKORLIK MEMORANDUMI IMZOLANISHI KUTILMOQDA

Kattaqo‘rg‘on davlat pedagogika instituti va Kazan Federal Universiteti o‘rtasida o‘zaro hamkorlikni mustahkamlash hamda akademik aloqalarni rivojlantirishga qaratilgan memorandum loyihasi yuzasidan muzokaralar olib borilmoqda. Mazkur memorandum ikki tomonlama hamkorlikni kengaytirish, xususan o‘qituvchilar va talabalar almashinuvi, ilmiy-tadqiqot faoliyatini rivojlantirish, qo‘shma loyihalarni amalga oshirish hamda malaka oshirish dasturlarini yo‘lga qo‘yishni nazarda tutadi.
Kelishuv doirasida muntazam ravishda onlayn uchrashuvlar tashkil etilib, samarali hamkorlikni yo‘lga qo‘yish uchun zarur tashkiliy masalalar muhokama qilinmoqda. Tomonlar o‘zaro aloqalarni yanada mustahkamlash, ta’lim va ilmiy salohiyatni oshirishga qaratilgan tashabbuslarni qo‘llab-quvvatlashga tayyor ekanliklarini bildirmoqdalar.