Uslubiy qo‘llanma: “Biokimyo fanidan laboratoriya mashg‘ulotlari”

Kattaqo‘rg‘on davlat pedagogika instituti Aniq va tabiiy fanlar kafedrasi assistenti U.Bozorovaning “Biokimyo fanidan laboratoriya mashg‘ulotlari” nomli uslubiy qo‘llanmasi nashr etildi.
Mazkur uslubiy qo‘llanma biokimyo fanining nazariy asoslarini chuqur o‘zlashtirish, laboratoriya mashg‘ulotlarida bajariladigan amaliy ishlarni izchil va aniq tartibda o‘rgatish, shuningdek, talabalarda mustaqil ishlash ko‘nikmalarini shakllantirishga xizmat qiladi. Qo‘llanmada har bir laboratoriya mashg‘uloti bo‘yicha batafsil yo‘riqnomalar, tajribalarni bajarish ketma-ketligi, zarur jihozlar ro‘yxati hamda xavfsizlik qoidalari tizimli ravishda bayon etilgan.
Yaratilgan qo‘llanma nafaqat talabalarga, balki yosh o‘qituvchilar, tadqiqotchilar va biokimyo sohasi bilan qiziqadigan mutaxassislar uchun ham muhim o‘quv-metodik manba bo‘lib xizmat qiladi.