Institutda Vatan himoyachilari bayramona kutib olindi

14-yanvar – Vatan himoyachilari kuni munosabati bilan Kattaqo‘rg‘on davlat pedagogika institutida institut boshlang‘ich tashkiloti tashabbusi bilan bayramona kutib olish tadbiri tashkil etildi.
Mazkur sana munosabati bilan erta tongdan institut hududida professor-o‘qituvchilar hamda talaba yigitlar tantanali va samimiy ruhda kutib olindi. Boshlang‘ich tashkilot faollari tomonidan institut jamoasi vakillariga ezgu tilaklar bildirilib, ularning fidokorona mehnati, ilm-fan va yoshlar tarbiyasidagi samarali faoliyati alohida e’tirof etildi.
Bayram tabriklari orqali yurtimiz tinchligi, osoyishtaligi va ravnaqi yo‘lida sidqidildan xizmat qilib kelayotgan, Vatanga sadoqat, jasorat va mas’uliyat timsoli bo‘lgan professor-o‘qituvchilar, xodimlar hamda talaba yigitlarga chuqur hurmat va ehtirom ifoda etildi.