XOTIN-QIZLAR O‘RTASIDA “REKTOR KUBOGI” MUSOBAQASI O‘TKAZILDI

Kattaqo‘rg‘on davlat pedagogika institutida Boshlang‘ich kasaba uyushmasi qo‘mitasi hamkorligida xotin-qizlar professor-o‘qituvchilari o‘rtasida voleybol sport turi bo‘yicha “Rektor kubogi” musobaqasi tashkil etildi.
Mazkur sport tadbiri jismoniy tarbiya va sog‘lomlashtirish ishlarini yanada rivojlantirish, ommaviy sportni keng targ‘ib qilish, jamoaviylik muhitini mustahkamlash, g‘alabaga intilish va sog‘lom raqobat tamoyillarini qaror toptirish, shuningdek, professor-o‘qituvchilar o‘rtasida sog‘lom turmush tarzini shakllantirish maqsadida o‘tkazildi.
Musobaqa davomida ishtirokchilar sportga bo‘lgan qiziqish va yuqori tayyorgarlik darajasini namoyon etib, jamoaviy hamkorlik, hamjihatlik va sport madaniyatining yuksak namunalarini ko‘rsatdilar.
Musobaqa yakunlariga ko‘ra, 1-o‘rinni Rektorat jamoasi qo‘lga kiritdi. 2-o‘rinni Aniq va tabiiy fanlar fakulteti jamoasi egalladi. 3-o‘rin esa Filologiya va ijtimoiy fanlar fakulteti professor-o‘qituvchilariga nasib etdi. G‘olib va sovrindor jamoalar tashkilotchilar tomonidan munosib taqdirlandi.