Hamkorbank vakili bitiruvchi talabalar bilan uchrashdi

Kattaqo‘rg‘on davlat pedagogika institutida Payshanba –Yoshlar kuni munosabati bilan Chet el kapitali ishtirokidagi “Hamkorbank” aksiyadorlik tijorat bankining Kattaqo‘rg‘on filiali Chakana biznes bo‘limi boshlig‘i Xurshed Rahmonov bitiruvchi bosqich talabalari bilan uchrashuv o‘tkazdi.
Uchrashuv davomida talabalarning bandligini ta’minlash, bank tizimida faoliyat yuritish uchun zarur bo‘lgan ko‘nikma va malakalar haqida batafsil ma’lumot berildi. Shuningdek, bitiruvchi talabalarning kelgusida ishga joylashishi bo‘yicha hamkorlik masalalari muhokama qilindi.
Tadbir yakunida talabalar o‘zlarini qiziqtirgan savollarga mutaxassis tomonidan atroflicha javob oldilar.