Bitiruv malakaviy ishlari amaliyot maydonida himoya qilindi

Kattaqo‘rg‘on davlat pedagogika instituti tarixida ilk bor Maktabgacha ta’lim yo‘nalishi bitiruvchi talabalari o‘z bitiruv malakaviy ishlarini bevosita amaliyot bazasi bo‘lib xizmat qilayotgan Kattaqo‘rg‘on shahridagi 5-son davlat maktabgacha ta’lim tashkilotida himoya qildilar.
Mazkur himoya jarayonida Yakuniy davlat attestatsiya komissiyasi a’zolari, institut professor-o‘qituvchilari, 5-son DMTT direktori hamda tarbiyachilar ishtirok etdilar. Talabalar o‘zlarining ilmiy-amaliy tadqiqotlari natijalarini taqdim etib, maktabgacha ta’lim tizimini rivojlantirishga qaratilgan taklif va tavsiyalarini bayon qildilar.
Himoyalar belgilangan tartib va talablar asosida, ochiqlik hamda shaffoflik tamoyillariga rioya etilgan holda tashkil etildi. Ushbu tajriba talabalarning nazariy bilimlarini amaliy faoliyat bilan uyg‘unlashtirish, kasbiy kompetensiyalarini mustahkamlash hamda ta’lim va amaliyot integratsiyasini yanada kuchaytirishga xizmat qilmoqda.