“Biz zo‘ravonlikka qarshimiz!” mavzusida davra suhbati o‘tkazildi

25-noyabr – Xalqaro ayollarga nisbatan zo‘ravonlikka barham berish kuni munosabati bilan Kattaqo‘rg‘on davlat pedagogika institutida “Biz zo‘ravonlikka qarshimiz” shiori ostida bir qator ma’rifiy tadbirlar o‘tkazilmoqda.
Jumladan, joriy yilning 27-noyabr kuni Pedagogika fakulteti “Maktabgacha va boshlang‘ich ta’lim” kafedrasi o‘qituvchisi G.Xalbayeva tomonidan Psixologiya yo‘nalishi 2-bosqich talabalari ishtirokida “Zo‘ravonlikka qarshi 16 kun” tadbirlari doirasida “Biz zo‘ravonlikka qarshimiz!” mavzusida davra suhbati tashkil etildi.
Tadbir davomida hozirgi kunda ayollar va voyaga yetmagan yigit-qizlarga nisbatan sodir etilayotgan tazyiq va zo‘ravonlik holatlarini oldini olish, bunday salbiy holatlarni barvaqt aniqlash va ularni bartaraf etishning samarali yo‘llari haqida talabalarga batafsil tushuntirishlar berildi. Shuningdek, mavjud chora-tadbirlar, huquqiy asoslar hamda aholining ogohligini oshirishga qaratilgan profilaktik ishlar mazmuni yoritib o‘tildi.