ISHCHI GURUHI TOMONIDAN INSTITUT FAOLIYATI TANQIDIY-TAHLILIY O‘RGANILDI

Kattaqo‘rg‘on davlat pedagogika institutida Oliy ta’lim, fan va innovatsiyalar vazirligining 2025-yil 20-avgustdagi 312-sonli buyrug‘i bilan tasdiqlangan ish rejada belgilangan vazifalar ijrosini ta’minlash, shuningdek, Oliy ta’lim, fan va innovatsiyalar vazirligi Hay’ati majlisining 2025-yil 12-sentabrdagi 3-sonli bayonida belgilangan topshiriqlar ijrosini o‘rganish maqsadida vazirlikning Ishchi guruhi tomonidan tahliliy-tanqidiy o‘rganish ishlari amalga oshirildi.
O‘rganish jarayonida quyidagi yo‘nalishlar batafsil tahlil qilindi:
– talabalar turar joylarining mavjud holati va ularning belgilangan talablar asosida faoliyat yuritishi;
– sport inshootlarining o‘quv-mashg‘ulotlarini o‘tkazish uchun tayyorlik darajasi;
– oliy ta’lim muassasasida ustuvor, istiqbolli va rivojlanayotgan olimpiya sport turlari bo‘yicha kamida uchta sport turini qamrab olgan sport klublarining tashkil etilganligi;
– “Talaba-yugur”, “Talabalar ligasi” hamda boshqa sport musobaqalariga jalb etilgan talabalar soni va qamrov foizi;
– talabalarning ijara xonadonlarida yashash holatining to‘liq o‘rganilganligi va monitoring qilinganligi.
Shuningdek, aniqlangan kamchiliklarni bartaraf etish yuzasidan tegishli taklif va tavsiyalar berildi hamda amaliy yordam ko‘rsatildi.