ИШЧИ ГУРУҲИ ТОМОНИДАН ИНСТИТУТ ФАОЛИЯТИ ТАНҚИДИЙ-ТАҲЛИЛИЙ ЎРГАНИЛДИ

Каттақўрғон давлат педагогика институтида Олий таълим, фан ва инноватсиялар вазирлигининг 2025-йил 20-августдаги 312-сонли буйруғи билан тасдиқланган иш режада белгиланган вазифалар ижросини таъминлаш, шунингдек, Олий таълим, фан ва инноватсиялар вазирлиги Ҳайъати мажлисининг 2025-йил 12-сентабрдаги 3-сонли баёнида белгиланган топшириқлар ижросини ўрганиш мақсадида вазирликнинг Ишчи гуруҳи томонидан таҳлилий-танқидий ўрганиш ишлари амалга оширилди.
Ўрганиш жараёнида қуйидаги йўналишлар батафсил таҳлил қилинди:
– талабалар турар жойларининг мавжуд ҳолати ва уларнинг белгиланган талаблар асосида фаолият юритиши;
– спорт иншоотларининг ўқув-машғулотларини ўтказиш учун тайёрлик даражаси;
– олий таълим муассасасида устувор, истиқболли ва ривожланаётган олимпия спорт турлари бўйича камида учта спорт турини қамраб олган спорт клубларининг ташкил этилганлиги;
– “Талаба-югур”, “Талабалар лигаси” ҳамда бошқа спорт мусобақаларига жалб этилган талабалар сони ва қамров фоизи;
– талабаларнинг ижара хонадонларида яшаш ҳолатининг тўлиқ ўрганилганлиги ва мониторинг қилинганлиги.
Шунингдек, аниқланган камчиликларни бартараф этиш юзасидан тегишли таклиф ва тавсиялар берилди ҳамда амалий ёрдам кўрсатилди.