Talabalar “Qatagʻon qurbonlari xotirasi muzeyi”ga tashrif buyurishdi

Siyosiy qatag‘on qurbonlari hayoti va faoliyatini o‘rganish, ularni keng jamoatchilikka targ‘ib etish hamda xotirasini abadiylashtirish maqsadida O‘zbekiston Respublikasi Oliy ta’lim, fan va innovatsiyalar vazirligining tegishli reja-grafigi ijrosini ta’minlash doirasida Kattaqo‘rg‘on davlat pedagogika instituti mas’ullari hamda talabalari Samarqand shahridagi “Qatagʻon qurbonlari xotirasi” muzeyiga, shuningdek, bir guruhi Kattaqo‘rg‘on shahrida joylashgan Shahidlar xotirasi maydoniga tashrif buyurdilar.
Tashrif davomida muzey xodimlari tomonidan yurtimiz tarixida yuz bergan fojiali voqealar, nohaq qatag‘on qurboniga aylangan ajdodlarimizning hayoti va faoliyati, ularning boy ma’naviy merosi haqida batafsil ma’lumotlar berildi.
Talabalar o‘zlarini qiziqtirgan savollarga atroflicha javob olib, tarixiy jarayonlarga nisbatan yanada chuqurroq qiziqish va hurmat tuyg‘ularini shakllantirdilar. Mazkur tashrif yoshlar qalbida milliy xotira, vatanparvarlik va tarixiy merosga ehtirom ruhini mustahkamlashga xizmat qildi.