Tinchlik va taraqqiyot – Yangi O‘zbekiston poydevori

Kattaqo‘rg‘on davlat pedagogika institutida O‘zbekiston Respublikasi Davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilayotgan “Mustaqillik to‘yi” festivali doirasida “Mustaqillik soati” tashkil etildi.
Tadbirda professor-o‘qituvchilar hamda xodimlar ishtirok etdi. Unda O‘zbekiston Yozuvchilar uyushmasi a’zosi, “Ma’naviyat fidoyisi” ko‘krak nishoni sohibi, iste’dodli shoir O‘lmasbek Xolmuminov (O‘lmasbek Samarqandiy) ma’ruza qildi.
Ma’ruzada mustaqillik yillarida mamlakatimiz bosib o‘tgan taraqqiyot yo‘li, Yangilanayotgan O‘zbekistonda amalga oshirilayotgan bunyodkorlik ishlari, aholi farovonligini oshirish, kambag‘allikning qisqarayotganligi, ijtimoiy himoya tizimining takomillashtirilayotganligi, yangi ish o‘rinlari yaratilayotganligi, yurtimizdagi tinchlik va osoyishtalikning qadri hamda shukronalik tuyg‘usining ahamiyati haqida atroflicha so‘z yuritildi.
Shuningdek, O‘zbekistonning xalqaro maydondagi nufuzi ortib borayotgani va aholiga yaratilayotgan keng imkoniyatlar alohida ta’kidlandi.