Хорижий тиллар кафедраси профессор-ўқитувчилари семинар-тренинг тажрибасини институтда татбиқ этди

Жорий йилнинг декабр ойида Британия Кенгаши томонидан ПРЕСЕТТ дастури доирасида республика олий таълим муассасалари учун Самарқанд шаҳрида ташкил этилган семинар-тренингда Каттақўрғон давлат педагогика институти Хорижий тиллар кафедраси профессор-ўқитувчилари фаол иштирок этдилар.
Семинар-тренинг давомида профессор-ўқитувчилар замонавий педагогик усуллар, интерактив дарс методикалари ва инноватсион ўқув технологиялари бўйича муҳим билим ва амалий кўникмаларни эгалладилар. Ушбу тажрибаларни ўз таълим жараёнида самарали татбиқ этиш мақсадида, Хорижий тиллар кафедраси профессор-ўқитувчилари институт доирасида махсус семинар ташкил этиб, ўз ҳамкасблари билан илғор методларни муҳокама қилдилар ва амалий машғулотлар ўтказдилар. Шу тарзда, олинган билимлар институтнинг таълим сифатини янада оширишга йўналтирилган фаолиятга айлантирилди.