Институтда “Спорт куни” доирасида спорт тадбирлари ўтказилди

Каттақўрғон давлат педагогика институтида ректор буйруғига асосан ҳар ҳафтанинг чоршанба куни “Спорт куни” этиб белгиланди.
Бугун эрта тонгдан Ёшлар етакчиси Ҳ.Рашидов бошчилигида талабалар турар жойида истиқомат қилувчи талабалар иштирокида бадантарбия машқлари ўтказилди. Институт спорт залида талабалар фаоллиги юқори бўлиб, волейбол ва стол тенниси бўйича мусобақалар ташкил этилди.
Мазкур тадбирлар талабаларнинг жисмоний фаоллигини ошириш ҳамда соғлом турмуш тарзини кенг тарғиб этишга хизмат қилмоқда. Кейинчалик спорт тадбирлари доирасида бошқа спорт турлари бўйича ҳам мусобақалар ўтказилиши режалаштирилган, бу борада маълумотлар бериб борамиз.