“Келажак соати” дарслари талабаларнинг ҳуқуқий саводхонлигини оширишга қаратилди

Каттақўрғон давлат педагогика институтида “Келажак соати”нинг навбатдаги дарслари “Менинг ҳуқуқларим” мавзусида ўтказилди.
Тадбирда профессор-ўқитувчилар маъруза қилиб, талабаларга ҳуқуқ ва мажбуриятларнинг ўзаро уйғунлиги, шунингдек, ўз ҳуқуқларидан оқилона фойдаланиш ҳамда масъулиятли фуқаро бўлишнинг аҳамияти ҳақида батафсил тушунтириш берди.
Дарс давомида Ўзбекистон Республикаси Конститутсияси ва амалдаги қонунлар, “Янги Ўзбекистон” ислоҳотлари доирасида инсон ҳуқуқларини таъминлашга қаратилган чора-тадбирлар ёритилди.
Мазкур машғулотлар талабаларда қонунга ҳурмат руҳини мустаҳкамлаш, ҳуқуқий маданиятни ривожлантириш, Ватанга садоқатли ва фаол фуқаро сифатида шаклланиш мотиватсиясини кучайтиришга хизмат қилди.