ТАЛАБАЛАР ЁЛҒИЗ KEKSA НУРОНИЙЛАРГА КЎМАК КЎРСАТДИ

Каттақўрғон давлат педагогика институти координаторлари ва волонтёрлари ёлғиз яшовчи кекса нуронийлар ҳолидан хабар олди.
Ташаббус доирасида институт талабалари нуронийларнинг уйларига бориб, улар учун зарур бўлган кундалик юмушларда кўмак кўрсатди. Суҳбатлар қуриб, нуронийларнинг дилдаги истак ва тилакларини тинглади, меҳр-муҳаббат билан кўнгилларини кўтарди.
Кекса нуронийлар кўрсатилган эътибор ва ғамхўрликдан мамнун бўлиб, дуо қилди. Мазкур хайрия ташаббуси институтнинг ижтимоий масъулиятини ошириш ҳамда жамиятда меҳр-оқибат фазилатларини мустаҳкамлашга қаратилган эзгу ишлари доирасида амалга оширилди.