Ректор ва талабалар ўртасида очиқ мулоқот бўлиб ўтди

Бугун Каттақўрғон давлат педагогика институти ректори Шерзод Ураков томонидан институт талабалари билан “Ректор ва ёшлар учрашуви” доирасида сайёр қабул ўтказилди.
Учрашув давомида талабалар ўқув жараёнларини ташкил этиш, маънавий-маърифий фаолият, имтиҳон жараёнлари, талабалар турар жойи ҳамда ижара масалалари бўйича ўзларини қизиқтирган саволлар билан мурожаат қилдилар. Билдирилган мурожаат ва таклифларга ректор томонидан атрофлича ва асосли жавоблар берилди.
Мазкур учрашув талабаларнинг муаммоларини бевосита жойида ўрганиш, улар билан очиқ мулоқот ўрнатиш ҳамда таълим сифатини янада оширишга хизмат қилди.