Талабамиз “Ёш китобхон” танловининг Каттақўрғон шаҳар босқичида ғолиб бўлди

Каттақўрғон давлат педагогика институти талабаси Гулноза Юсупова “Беш ташаббус олимпиадаси” доирасида ташкил этилган “Ёш китобхон” танловининг Каттақўрғон шаҳар босқичида иштирок этиб, фахрли 1-ўринни қўлга киритди.
Мазкур ютуқ талабанинг китобга бўлган юксак қизиқиши, изчил мутолаа маданияти ҳамда мустаҳкам билим ва тафаккурининг ёрқин самараси ҳисобланади. Бундай натижалар ёшларимизни илм-фан, китобхонлик ва юксак мақсадлар сари интилишга руҳлантириб, таълим сифатини оширишга хизмат қилади.
Институт жамоаси Гулноза Юсуповани ушбу юксак ютуғи билан табриклаб, келгусидаги ўқиш ва ижодий фаолиятида янада катта муваффақиятлар тилайди.