Талабалар миллий кийимларда дарсларда қатнашди

Каттақўрғон давлат педагогика институтида жума куни “Миллий либослар куни” муносабати билан талабалар миллий кийимларда институтга ташриф буюрдилар. Улар атлас, адрас ва бошқа миллий матолардан тикилган либосларда ўзига хос ранг-баранглик ва миллийлик руҳини намоён этдилар. Мазкур тадбир ёшларимизда миллий қадриятларимизга ҳурмат ва эҳтиром туйғусини янада мустаҳкамлаш, бой анъана ва урф-одатларимизни асраб-авайлашга хизмат қилди.
Талабалар ва профессор-ўқитувчилар фаол иштирок этган ушбу кун факултетимизда ўзига хос файз ва нафосат муҳитини яратди.