Талабалар Соҳибқирон Амир Темур ҳаётига бағишланган спектаклни томоша қилди

Каттақўрғон давлат педагогика институти талабалари Мажидий драма театрида Соҳибқирон Амир Темур ҳаёти ва фаолиятига бағишланган спектаклни томоша қилишди.
Тадбирда Каттақўрғон шаҳар ҳокими Гавҳар Алимова, нуронийлар ҳамда ташкилот ва корхона раҳбарлари ҳам иштирок этдилар.
Драма театр актёрлари томошабинлар учун Соҳибқирон Амир Темурнинг тарихий меросини жонли саҳнада намойиш этдилар. Ушбу спектакл талабалар ва барча иштирокчиларда чуқур таассурот қолдирди ҳамда миллий қадриятларимизга бўлган ҳурматни янада мустаҳкамлади.