Мини-футбол бўйича факултетлар босқичи мусобақалари ўтказилди

Каттақўрғон давлат педагогика институтида талаба-ёшларнинг бўш вақтларини мазмунли ташкил этиш ҳамда спортга бўлган қизиқишни янада ошириш мақсадида “Янги Ўзбекистон талабалари Олимпиадаси” доирасида спортнинг мини-футбол тури бўйича факултетлар босқичи мусобақалари ўтказилди.
Мазкур спорт тадбири институт факултетлари жамоалари ўртасида юқори савияда ташкил этилиб, унда иқтидорли ва спортга қизиқиши юқори бўлган талаба-ёшлар фаол иштирок этдилар. Мусобақалар давомида жамоалар ўзаро куч синашиб, майдонда жамоавийлик, тезкорлик, чаққонлик ҳамда тактик фикрлаш каби муҳим спорт фазилатларини намоён этдилар.
Беллашувлар қизғин ва муросасиз курашларга бой тарзда ўтди. Ҳар бир жамоа ғалаба учун астойдил ҳаракат қилиб, томошабинларга ёрқин ва унутилмас спорт лаҳзаларини тақдим этди.