Бошланғич таълим йўналиши битирувчилари ЯДА синовларини топширди

Бугун Каттақўрғон давлат педагогика институтида Бошланғич таълим йўналиши битирувчи талабалари учун мутахассислик фанларидан Якуний давлат аттестатсияси (ЯДА) синовлари ташкил этилди.
Синовлар белгиланган тартиб ва талаблар асосида, очиқлик ҳамда шаффофлик тамойилларига қатъий риоя этилган ҳолда ўтказилди. Тест жараёнида талабаларнинг назарий билимлари, касбий компетенсиялари ҳамда мутахассислик фанлари бўйича эгаллаган билим ва кўникмалари баҳоланди.
Якуний давлат аттестатсияси жараёнларини юқори савияда ташкил этиш мақсадида барча зарур ташкилий ва техник шарт-шароитлар яратилди.