Хитой олий таълим муассасаси вакиллари билан учрашув

Каттақўрғон давлат педагогика институтига Самарқанд Халқаро Коллежи вакиллари ташриф буюрди. Мазкур таълим муассасаси Хитой давлати томонидан молиялаштириладиган ҳамда Марказий Осиёдаги ягона Хитой олий таълим муассасаси ҳисобланади.
Ташриф давомида институт ректори Шерзод Ураков меҳмонлар билан учрашиб, ўзаро ҳамкорлик истиқболлари юзасидан суҳбатлашди. Мулоқот жараёнида таълим, илмий-тадқиқот фаолияти, академик алмашинув дастурлари ҳамда кадрлар тайёрлаш йўналишларидаги ҳамкорлик масалалари муҳокама қилинди.
Томонлар келгусида ўзаро манфаатли алоқаларни янада ривожлантириш, қўшма таълим ва илмий лойиҳаларни амалга ошириш бўйича фикр алмашдилар.