Мустақиллик байрами муносабати билан спорт мусобақалари ўтказилди

Каттақўрғон давлат педагогика институтида Ўзбекистон Республикаси Мустақиллигининг 35 йиллиги муносабати билан спорт мусобақалари ташкил этилди.
Мустақиллик байрами халқимизнинг озод ва фаровон ҳаёт йўлидаги тарихий қадамларини, миллий қадриятларимиз, тинчлик ва осойишталикнинг юксак қадрини намоён этувчи улуғ айёмдир. Ушбу қутлуғ сана муносабати билан институтда ёшларнинг ватанпарварлик туйғуларини янада мустаҳкамлаш, уларни соғлом ва фаол ҳаёт тарзига кенг жалб этиш мақсадида спорт мусобақалари ўтказилди.
Мусобақаларда талабалар фаол иштирок этиб, ўзларининг чаққонлиги, жисмоний тайёргарлиги ва жамоавий ҳамжиҳатлигини намоён этдилар. Беллашувлар кўтаринки руҳида, дўстона рақобат ва юқори кайфиятда ўтди.
Спорт тадбирлари ёш авлод қалбида Ватанга муҳаббат, истиқлолга садоқат ва юртимизнинг тинч ва фаровон келажагига дахлдорлик туйғуларини янада мустаҳкамлашга хизмат қилди.