Замонавий таҳдидлар ва огоҳлик

Каттақўрғон давлат педагогика институти Аниқ ва табиий фанлар факултетида талабаларда ахборот истеъмоли маданиятини шакллантириш, турли хавф-хатарлардан огоҳ бўлиш ва ҳушёрликни кучайтиришга қаратилган давра суҳбати ўтказилди.
Унда декан ўринбосари Б.Юлдошев, профилактика инспектори Х.Хайдаров, институт психологи Г.Инатуллаева ҳамда йўналиш тютори иштирок этди.
Давра суҳбатида “Одам савдосидан огоҳликни мен қандай ҳис этаман?”, “Ҳушёрликни қўлдан бермайлик”, “Огоҳлик: тарих ва замон сабоқлари” мавзуларида фикр-мулоҳазалар билдирилди.
Тадбир давомида талабаларга ахборотдан тўғри ва хавфсиз фойдаланиш, турли таҳдид ва салбий таъсирлардан ҳимояланиш, ҳушёрлик ва огоҳликни доимо сақлаш юзасидан тегишли тавсиялар берилди.