Устозларга эҳтиром…

1-октабр – Ўқитувчи ва мураббийлар куни муносабати билан Каттақўрғон давлат педагогика институтида “Устозга эҳтиром” мавзусида байрам тадбири ўтказилди.
Тадбирда Каттақўрғон шаҳар ҳокими Гавҳар Алимова, институт ректори Шерзод Ураков, профессор-ўқитувчилар ва ходимлар иштирок этди.
Гавҳар Алимова ва Шерзод Ураков устоз ва мураббийларни байрам билан самимий табрикладилар.
Бир гуруҳ устозлар институт ректорининг ташаккурномаси ва эсдалик совғалари билан тақдирланди.
Талабалар томонидан ижро этилган устозларга бағишланган куй-қўшиқлар байрам тадбирига ўзгача файз бағишлади.