“Молиявий барқарорлик – ижтимоий фаровонликнинг асоси”

СамДУ Каттақўрғон филиалида “Долзарб 90 кун” лойиҳаси доирасида “Рақамли технологиялар ва иқтисодиёт” кафедраси дотсенти О. Хаитов томонидан талабалар учун мазмунли очиқ семинар ташкил этилди.

“Молиявий барқарорлик: Ижтимоий фаровонликнинг асоси” мавзусидаги семинар талабаларнинг иқтисодий билимларини чуқурлаштириш; молиявий саводхонликни ошириш; шахсий масъулият ҳиссини шакллантиришга хизмат қилди.

Семинарда иштирокчилар реал ҳаётий мисоллар асосида молиявий режалаштириш, бюджет бошқаруви ва иқтисодий барқарорлик тамойиллари ҳақида қимматли билимларга эга бўлишди.
Бундай семинарлар ёшларнинг келажакка онгли, пухта ва масъулиятли ёндашувини шакллантиришда муҳим ўрин тутади.