Шахноза Бердиқулова Малайзияда Ўзбекистон маданияти ҳақида талабаларга икки соатлик очиқ дарс ўтди

Каттақўрғон давлат педагогика институти ва Малайзия Малая университети ўртасида ҳамкорлик тўғрисида меморандум имзоланган.
Мазкур меморандум доирасида Каттақўрғон давлат педагогика институти инглиз тили ўқитувчиси Шахноза Бердиқулова ҳозирда Малая университетида малака оширмоқда.
У ўз фаолияти давомида “Culture оф Узбекистан” мавзусида Малая университети талабалари учун икки соатлик очиқ дарс ўтди. Дарс давомида Ўзбекистоннинг бой маданий мероси, миллий урф-одатлари, қадриятлари ҳамда замонавий тараққиёти ҳақида атрофлича маълумот берди.