Ўзбек миллий таомлари фестивали: Қадриятларимизга эътибор

Филология ва ижтимоий фанлар факултетининг Ўзбек тили ва адабиёти йўналиши талабалари томонидан “Миллий қадриятлар ва уларнинг миллат маънавиятидаги ўрни” шиори остида Ўзбекистоннинг турли ҳудудларига хос миллий таомлар фестивали ташкил этилди. Тадбирни факултет декани Г.Пирназаров очиб берди.
Фестивал давомида талабалар томонидан миллий таомлар тайёрланиб, улар ҳақида қисқа шарҳ ва маълумотлар тақдим қилинди. Тадбирда факултет декани, маънавият бўлими ходимлари, декан ўринбосари, факултет тюторлари ҳамда талабалар иштирок этишди.