АКСИЛКОРРУПСИЯ ОЙЛИГИ ДОИРАСИДА “OCHIQ ЭШИКЛАР KUNI” ТАШКИЛ ЭТИЛДИ

“9-декабр – Халқаро коррупсияга қарши курашиш куни” муносабати билан Аксилкоррупсия ойлиги доирасида Каттақўрғон давлат педагогика институтида “Очиқ эшиклар куни” тадбири ташкил этилди.
Тадбирда институтнинг Коррупсияга қарши курашиш комплаенс назорат тизимини бошқариш бўлими бошлиғи Элбек Худойқулов, “Каттақўрғон тонги” газетаси муҳаррири Жамшид Носиров, шунингдек, Каттақўрғон шаҳар IIB катта терговчиси Шерзод Хўжақулов иштирок этдилар.
Учрашув давомида маърузачилар коррупсиянинг жамият ва таълим тизимига кўрсатадиган салбий таъсири, уни олдини олишда ёшларнинг ўрни, ҳалоллик тамойилларига амал қилишнинг аҳамияти борасида талабаларга батафсил тушунчалар бердилар. Шунингдек, коррупсияга қарши курашиш бўйича амалдаги қонунчилик, шаффофлик принсипларини таъминлаш механизмлари ҳам ёритиб ўтилди.
Тадбир талабаларда ҳуқуқий маданиятни ошириш, ҳалоллик ва адолатга содиқлик руҳини мустаҳкамлашга хизмат қилди.