Талабаларда ҳалоллик кўникмаларини ривожлантиришга қаратилган давра суҳбати ўтказилди

Каттақўрғон давлат педагогика институтида “Тарбия” фани доирасида талабаларга ҳалоллик, бировнинг ҳақига хиёнат қилмаслик, адолат ва масъулият каби эзгу ғояларни тарғиб этишга қаратилган давра суҳбати ўтказилди.
Ушбу тадбирда Коррупсияга қарши курашиш комплеанс назорат тизимини бошқариш бўлими бошлиғи Элбек Худойкулов иштирок этиб, талабаларга ҳалоллик тамойилларининг моҳияти, коррупсиянинг салбий оқибатлари ҳамда унга қарши курашишнинг долзарб йўналишлари ҳақида батафсил тушунтиришлар берди. Шунингдек, ёшларда ҳуқуқий онг ва маданиятни мустаҳкамлаш, фуқаролик масъулиятини ошириш борасида фикр-мулоҳазаларини билдириб ўтди.
Тадбир якунида талабалар ўзларини қизиқтирган саволлар билан мурожаат қилдилар ва мутахассис томонидан уларга тегишли жавоблар берилди.