Меҳнат ярмаркасида битирувчи курс талабалари иштирок этди

Бугун Самарқанд вилоят ҳокимлиги, Ўзбекистон Республикаси Вазирлар Маҳкамаси ҳузуридаги Мигратсия агентлиги ва Хусусий бандлик агентликлари федератсияси ҳамкорлигида Каттақўрғон шаҳридаги Каттақўрғон касбий кўникмалар марказида “Хорижда ишлаш истагидаги фуқаролар учун меҳнат ярмаркаси” ташкил этилди.
Меҳнат ярмаркасида Каттақўрғон давлат педагогика институтининг битирувчи курс талабалари ҳам иштирок этди. Талабалар тадбир давомида хорижий иш ўринлари ва бандлик имкониятларини ўрганиб, мутахассислар билан тўғридан-тўғри мулоқот қилдилар.