Талаба-қизлар ўртасида баскетбол бўйича спорт беллашувлари ўтказилди

Каттақўрғон давлат педагогика институтида Талабалар лигаси доирасида қизлар ўртасида спортнинг баскетбол тури бўйича мусобақа бўлиб ўтди. Мазкур спорт тадбири талаба-қизлар ўртасида соғлом турмуш тарзини тарғиб этиш ҳамда жамоавийликни ривожлантиришга қаратилди.
Мусобақа давомида қизлар ўзларининг чаққонлиги, аниқлиги ва жамоавий ҳаракатлари билан спорт майдонида юксак маҳорат намойиш этдилар. Беллашувларда институтнинг турли гуруҳ ва факултетларидан ташкил топган жамоалар иштирок этиб, ўзаро қизиқарли ва муросасиз баҳслар орқали куч синашдилар.