Маърифат – жаҳолатга қарши энг самарали восита

Каттақўрғон давлат педагогика институтида “Мен диний экстремизм ва терроризм таҳдидини қандай тушунаман” мавзусида маънавий-маърифий учрашув бўлиб ўтди.
Мазкур тадбир талаба-ёшларни ёт ғоялар таъсиридан асраш ҳамда диний экстремизм ва терроризмнинг салбий оқибатлари ҳақида кенг тушунча бериш мақсадида ташкил этилди.
Учрашувда Дин ишлари бўйича қўмитанинг Каттақўрғон шаҳар бош мутахассиси Б.Қодиров иштирок этиб, талабаларга “Жаҳолатга қарши маърифат билан курашиш” тамойилининг мазмун-моҳияти ҳақида атрофлича маъруза қилди. Маърузада миллий ва диний қадриятларнинг жамият ҳаётидаги ўрни, ёшларни турли бузғунчи ғоялардан ҳимоя қилишда маърифатнинг аҳамияти, шунингдек, соғлом дунёқарашни шакллантириш масалаларига алоҳида эътибор қаратилди.
Тадбир давомида талабалар ўзларини қизиқтирган саволларига мутахассис томонидан батафсил жавоб олдилар. Учрашув очиқ мулоқот тарзида ўтиб, ёшларни ватанпарварлик, миллий қадриятларга садоқат ва огоҳлик руҳида тарбиялашга хизмат қилди.