Талабалар лигаси доирасида волейбол мусобақаси бўлиб ўтди

Каттақўрғон давлат педагогика институтида Талабалар лигаси доирасида талаба хотин-қизлар ўртасида волейбол мусобақаси ташкил этилди.
Мусобақада турли гуруҳ ва факултетлардан тузилган жамоалар иштирок этиб, ўзаро қизиқарли ва муросасиз беллашувлар намойиш этдилар. Ҳар бир ўйин ажойиб руҳий ва жисмоний тайёргарликни талаб қилган бўлса-да, барча иштирокчилар спортнинг адолат ва дўстлик тамойилларига содиқ қолишди.
Институт маъмурияти ва спорт бўлими томонидан ташкил этилган ушбу тадбир талабалар орасида соғлом турмуш тарзини ривожлантириш ва спортга бўлган қизиқишни оширишга хизмат қилмоқда.