МАТОНАТ VA IRODA СОҲИБИ
Каттақўрғон давлат педагогика институти Педагогика факултети JM_26_14-гуруҳ талабаси Аббос Абдуғаниев пара камондан отиш спорт тури бўйича ўтказилган нуфузли мусобақаларда юқори натижаларга эришиб, фахрли биринчи ўринларни қўлга киритган.
Жумладан, у Ўзбекистон Республикаси Миллий гвардияси қўмондони кубоги мусобақасида (18 метр, классик йўналиш) ҳамда 2025-йил 14-19-апрел кунлари ўтказилган Ўзбекистон чемпионатида ғолибликни қўлга киритган.
Бугун институтда талаба-ёшлар иштирокида Аббос Абдуғаниев билан учрашув ташкил этилди. Унда талаба ўзининг спортдаги ютуқлари, муваффақият сари босиб ўтган йўли ҳамда бу жараёнда дуч келган қийинчиликлари ҳақида сўзлаб берди.
Учрашув давомида инсон астойдил меҳнат қилса, қатъият ва ирода билан ўз олдига қўйган мақсадларига эришиши мумкинлиги алоҳида таъкидланди. Талабанинг ҳаётий тажрибаси ва спортдаги муваффақиятлари ёшларга мотиватсия бериб, уларни қийинчиликлар қаршисида таслим бўлмасликка, ўз устида тинимсиз ишлашга ундайди.
Аббос Абдуғаниевнинг ютуқлари – кучли ирода, сабр-тоқат ва тинимсиз меҳнатнинг ёрқин намунасидир.
Қўшимча расмлар6
Бошқа янгиликлар
РЕКТОР ТАЛАБАЛАР TURAR ЖОЙИДАГИ ШАРОИТЛАР BILAN ТАНИШДИ22.10.2026
Ёшларни ёт ғоялар таъсиридан асраш – долзарб вазифа22.10.2026
Эрта турмуш ва яқин қариндошлар ўртасидаги никоҳнинг тиббий оқибатлари муҳокама қилиндиКаттақўрғон давлат педагогика институтида эрта турмуш, яқин қариндошлар ўртасидаги никоҳ ҳамда кам учрайдиган касалликларнинг келиб чиқиш омилларига бағишланган маънавий-маърифий тадбир ташкил этилди. Тадбир институтнинг Хотин-қизлар масалалари бўйича ректор маслаҳатчиси Г.Шокирова ҳамда институт психологлари Г.Иннатуллаева ва З.Хидирова ташаббуси билан ташкил этилди. Саломатлик ва стратегик ривожлантириш институти ходимлари шифокорлар Д.Эшмонова, Ж.Эшназаров ва А.Патапенко мавзу юзасидан маърузалар қилдилар. Маърузаларда эрта турмушнинг репродуктив саломатликка таъсири, яқин қариндошлар ўртасидаги никоҳда авлодда айрим ирсий касалликларнинг юзага келиш хавфи, шунингдек, кам учрайдиган (орфан) касалликларнинг келиб чиқиш сабаблари ҳақида тиббий маълумотлар берилди. Шифокорлар ирсий касалликлар хавфини баҳолашда тиббий-генетик маслаҳатнинг аҳамияти, никоҳ ва фарзанд режалаштириш масалаларида тиббий саводхонликни ошириш ҳамда келажак авлод саломатлигини муҳофаза қилиш зарурлигига алоҳида эътибор қаратдилар.22.10.2026