Ёшларни ёт ғоялар таъсиридан асраш – долзарб вазифа

Каттақўрғон давлат педагогика институтида “Миллий қадриятлар ва уларнинг миллат маънавиятидаги ўрни. Жаҳолатга қарши маърифат” мавзусида маънавий-маърифий тадбир ўтказилди.

Тадбирда тинчлик ва осойишталикни асраш, диний бағрикенгликни мустаҳкамлаш, ёшларни турли ёт ғоялар ва бузғунчи мафкуралар таъсиридан ҳимоя қилиш, интернет ва ижтимоий тармоқлардан оқилона фойдаланиш, шунингдек, жаҳолат ҳамда экстремистик қарашларнинг олдини олиш масалаларига алоҳида эътибор қаратилди.

Тадбирда Дин ишлари бўйича қўмитанинг Каттақўрғон шаҳри бўйича бош мутахассиси Б.Қодиров мавзу юзасидан маъруза қилди. Маърузада тинчлик ва барқарорликнинг инсон ҳамда жамият ҳаётидаги аҳамияти, ёшларнинг ҳушёр ва огоҳ бўлиши, турли таҳдидларга қарши мустаҳкам мафкуравий иммунитетни шакллантириш зарурлиги ҳақида сўз юритилди.

Шунингдек, ёт ғояларнинг салбий таъсири ва уларнинг олдини олишга бағишланган видеоролик намойиш этилди. Тадбирда талабалар ўртасида Ижтимоий-маънавий муҳит барқарорлигини таъминлаш бўйича ректор маслаҳатчиси С.Турсунов ҳамда Республика Маънавият ва маърифат маркази Каттақўрғон шаҳар бўлинмаси раҳбари Қ.Бойкалонов иштирок этди.

Мазкур тадбир ёшлар қалбида миллий қадриятларга ҳурмат туйғусини мустаҳкамлаш, уларнинг маънавий дунёқарашини юксалтириш, турли мафкуравий таҳдидларга нисбатан огоҳликни ошириш ҳамда жамиятда тинчлик ва барқарорликни асрашга хизмат қилади.