Ёшлар куни муносабати билан футбол мусобақаси ташкил этилди

Каттақўрғон давлат педагогика институтида Ёшлар куни муносабати билан талаба-ёшларнинг бўш вақтини мазмунли ташкил этиш, улар ўртасида соғлом турмуш тарзини тарғиб қилиш ҳамда спортга бўлган қизиқишни янада ошириш мақсадида футбол мусобақаси ташкил этилди.
Мазкур мусобақада талабалар фаол иштирок этиб, ўз жамоалари билан спорт майдонида куч синашдилар. Ўйинлар давомида иштирокчилар жамоавийлик, чаққонлик ҳамда спорт маҳоратини намоён этиб, қизғин ва муросасиз баҳслар олиб бордилар.
Мусобақа талаба-ёшлар ўртасида дўстлик ва ҳамжиҳатлик муҳитини янада мустаҳкамлаш, спортга бўлган қизиқишни ошириш ҳамда соғлом турмуш тарзини тарғиб этишда муҳим аҳамият касб этди.