Талаба-қизларнинг яшаш шароитлари ўрганилиб, тавсиялар берилди

Каттақўрғон давлат педагогика институтининг хотин-қизлар масалалари бўйича ректор маслаҳатчиси Г.Инатуллаева ҳамда “Қалқон” жамоатчилик гуруҳи аъзолари томонидан талаба-қизлар истиқомат қилаётган хонадонлардаги яшаш шароитлари ўрганилди.
Ўрганиш жараёнида талаба-қизларнинг яшаш муҳити, ижтимоий-маиший шароитлари ҳамда уларнинг кундалик эҳтиёжлари билан яқиндан танишилди. Шунингдек, мавжуд муаммолар аниқланиб, уларни бартараф этиш юзасидан зарур тавсиялар ва тушунтиришлар берилди.
Учрашув давомида талаба-қизлар билан самимий суҳбат ўтказилиб, уларнинг таклиф ва мурожаатлари тингланди. Бундай ўрганишлар талаба-қизлар учун янада қулай ва хавфсиз яшаш муҳитини яратиш, уларнинг муаммоларини ўз вақтида ҳал этишга хизмат қилади.