“Амир Темур ворислари” ҳарбий-спорт мусобақаси факултет босқичи ўтказилди

Филология ва ижтимоий фанлар факултетида “Амир Темур ворислари” ҳарбий-спорт мусобақаси кўрик-танловининг факултет босқичи юқори савияда ҳамда кўтаринки руҳда ташкил этилди.
Мусобақада факултетнинг фаол, спортга қизиқадиган талабалари иштирок этиб, турли шартлар орқали ўзларининг куч-қудрати, чаққонлиги ва жисмоний тайёргарлик даражасини намоён этдилар.
Иштирокчилар ўртасида кечган беллашувлар қизғин ва муросасиз руҳда ўтиб, талабалар ўзларининг жамоавий ҳамжиҳатлиги, қатъияти ва ғалабага бўлган интилишини кўрсатдилар.