Наврўз анъанаси: талабалар турар жойида сумалак сайли

Каттақўрғон давлат педагогика институтининг 1-сонли талабалар турар жойида талабалар иштирокида Наврўз анъаналарига хос бўлган сумалак тайёрлаш жараёни қизғин давом этмоқда.
Талабалар миллий қадриятларимизни эъзозлаб, ўзаро ҳамжиҳатлик ва кўтаринки кайфиятда сумалак қайнатишмоқда. Ушбу жараён нафақат байрамона муҳитни янада бойитмоқда, балки ёшлар қалбида миллий анъаналарга ҳурмат ва садоқат туйғуларини мустаҳкамлашга хизмат қилмоқда.
Ана шундай эзгу анъаналар орқали талаба-ёшлар ўртасида дўстлик, бирдамлик ва меҳр-оқибат муҳити янада мустаҳкамланмоқда.