“Ректор кубоги” учун “Заковат” интеллектуал ўйинларига старт берилди

Каттақўрғон давлат педагогика институтида “Ректор кубоги” учун “Заковат” интеллектуал ўйинларига старт берилди
Каттақўрғон давлат педагогика институтида талабаларнинг интеллектуал салоҳиятини ошириш, факултетлараро соғлом рақобат муҳитини шакллантириш ҳамда ёшларни доимий билим олишга йўналтириш мақсадида анъанавий “Ректор кубоги” баҳслари бошланди.
Мазкур беллашувлар талаба-ёшларнинг мантиқий фикрлаш доирасини кенгайтириш билан бирга, уларнинг жамоавий ишлаш кўникмаларини ривожлантиришга хизмат қилади. Ҳозирда институтнинг барча факултетларидан сараланган билимдон жамоалар бош соврин учун ўзаро баҳс олиб бормоқдалар.