Талабаларнинг амалиёт жараёнлари бошланди

Аниқ ва табиий фанлар факултетининг 2-босқич математика, кимё ва биология йўналишлари ҳамда 3-босқич иқтисод йўналиши талабалари учун амалиёт жараёнлари бошланди.
Мазкур амалиёт доирасида математика, кимё ва иқтисод йўналиши талабалари Каттақўрғон шаҳридаги умумтаълим мактабларига бириктирилди. Биология йўналиши талабалари эса Каттақўрғон давлат педагогика институтининг ўқув-тажриба ҳамда дала-амалиёт майдонига йўл олдилар.
Амалиёт олдидан факултет декани томонидан талабалар билан учрашув ўтказилиб, уларга ички тартиб-қоидалар, меҳнат интизоми ҳамда хавфсизлик техникаси талаблари батафсил тушунтирилди.
Амалиёт жараёнида талабалар ўз мутахассисликлари бўйича назарий билимларини амалиёт билан уйғунлаштириш, касбий кўникмаларини мустаҳкамлаш ҳамда педагогик тажриба орттириш имкониятига эга бўладилар.